Мамандығым-мақтанышым
БЕСПЛАТНО
Размер файла: 18.91 KB
«Арман деген көп белес. Біріне шықсаң бірі бар», — деп Ғабиден Мұстафин айтпақшы, менің де балалық армандарым көп болды. Соның ең негізгісі – ұстаз болу. Ес білгелі «Мен өскенде ұстаз боламын!» деп өстім. Кез – келген нәрсенің бір себебі болады ғой. Менің ойыма ең алдымен осы мамандықты неге, қалай таңдадым? – деген сұрақ келеді. Сұраққа бірден Айбарша апайым деп іштей жауап беремін. Алғаш мектеп табалдырығын аттағанда алдымнан күлімсіреп қарсы алған Айбарша апайымның жылы жүзі, жұмсақ даусы әлі есімде. Бала күнінде әр бала жақсыға құмар, еліктегіш болады ғой. Апайымның әрбір сөйлеген сөзіне, жүріс-тұрысына, әдемі етіп түйіп алатын шашына да қызығып қарап, еліктеуші едім. Ойнасақ та мұғалім болып ойнайтынбыз. Жылдар жылжып, балалық шағымыз алыстаған сайын бәрі-бәрі күні кешегідей көз алдыңда тұрады екен. Он жылдықты тәмәмдап, арман жетегімен Өскемен қаласындағы педагогикалық училищесіне түстім, оны да ойдағыдай аяқтадым.