«Латын графикасына көшудің жазу сауаттылығына әсері» Эссе
Размер файла: 24.04 KB
Тіршіліктің негізгі тұлғасы адамзатты, адамзат қоғамын оның тілінен тыс зерттей алмаймыз. Сондай-ақ, тілді де адам арқылы, адамның жан дүниесі арқылы зерттемей болмайды. Бұл екіжақты байланыстағы дүние болып табылады. Адам – өз сөзінің иесі, өз сөзінің қожасы болса, тілдің иесі де, қожасы да – халық. Тіл – халықтың мәдениеті мен қуатының көрінісі, ұлттық мәдениеттің коды. Өйткені, тілін сүйген, оны қадірлей білген адам өзінің де, өзгенің де мәдени құндылықтарын да бағалай алады. Тілдік тұлға тілде бейнеленген ақиқатты қолданып қана қоймайды, тіл арқылы ақиқаттың өзін рационалды, эмоционалды мақсатта бейнелейді. Сондықтан тілдік тұлға – өз санасында ақиқатты бейнелеуші ғана емес, оны санада қайтара жаңғыртушы қасиетке ие белсенді әрекет иесі.