Авторлық бағдарлама «Тіл дамыту» 4-сынып
Размер файла: 33.98 KB
Қазақстан Республикасының «Білім туралы», «Тіл туралы» Заңдарын басшылыққа ала отырып, жалпы орта білім беру мемлекеттік стандартына сәйкес жасалған тіл үйренушілерге арналған бағдарлама.Қазір қоғамымыздағы басты мәселелердің бірі – басқа ұлт өкілдеріне мемлекеттік тілді меңгерту. Қазіргі күні мектеп бағдарламасында мұғалім балаға білім, білік,дағды беріп қана қоймай, ақыл – ойын, қабілетін дамытуға, оқи алуға, тілін дамытуға үйрету керек деген міндеттер қояды. Тіл мамандарына оқу процесінде оқушының сөйлеу қабілетінің дамуына әсер ететін жайға көңіл қою қажет. Себебі, тілі жетік оқушы барлық гуманитарлық пәндерден нәтиже көрсете алады.Ал тілі дамымаған шәкірт біліп тұрған білімін өз дәрежесінде жеткізе алмай қиналады. Тілдік норма жетілу үшін оқушының ауызекі сөйлеу тілін, жазба тілін дамытқан жөн. Осы мақсатпен тіл дамыту курсында оқушылар еркін тақырып аясында ауызекі мәтіндер құрастыруға, ертегі, әңгіме құрастыруға үйренеді.