Ашық сабақ К дыбысы мен әрпі 1-сынып
Размер файла: 101.63 KB
Мен 1-сыныптың сауат ашу пәнінен ашық сабақ өткен болатынмын. Бұл сабағымда 1-сыныптың жас ерекшелігіне сай қызықты ойындар, суретті сөзжұмбақтар пайдаландым. Сонымен қатар әр баланың деңгейіне сай мысалы, сараланған тапсырмаларды яғни, «Жалғасын тап» ойынын дарынды оқушыларға, ал үлгерімі төмен оқушыларға сөзжұмбақтар шешуді ұйымдастырдым. Жаңартылған білім мазмұнына сай 1-сыныптың оқушыларына арналған қалыптастырушы бағалаудың тапсырмаларын да сабағымда қолдандым. Тілдік дағдылар атап айтсақ, тыңдалым, айтылым, оқылым, жазылым дағдылары сабағымда көрініс тапты дер едім. Себебі табиғат туралы бейнекөрсетілім арқылы оқушылар өздерінің табиғат туралы түсініктерін айтып, адасқан сөздердің ішінен табиғатқа қатысы бар сөздерді тауып, оқыды. Бұл жерде сабақтың өн бойында төрт дағдының да көрініс тапқанын байқауға болады.